Sesolahan Seni Sastra Sanggar Seni Kebo Iwa Kawisesa Mahosadhilata. Soma (Senin), 8 Pebruari 2021

Sesolahan Seni Sastra rahinane mangkin saking j mapeséngan Méganada pamuputnyané nyarengin tedun mayuda. Dahating akéh panah mautama sané kadruwénang mawinan nénten kidik meseh-meseh sané prasida kakaonang. Ri kala ngayudain Sang Rama kasarengin bala wanarané, Meganada ngamedalang kasaktian sané mapeséngan Adresiatantra. Kawisésan Méganada punika ngawinang langité peteng dedet, tan wénten sané prasida ngantenang pamargan Méganada. Kawisésan sané mapesengan Adresiatantra maweweh malih antuk panah Wimohana ngawinang para bala wanarané kémeng saha pules leplep.

Dangan raris antuk Sang Méganada mademang para bala wanara Sang Rama. Nyantenang parindikan punika, Sang Wibhisana raris nganikain Hanoman mangda ngruruh sarwa tumuwuh sané prasida kaanggén tamba. Taru punika mawasta Mahosadilata sané magenah ring pucaking Gunung Himawan.

Tan panjang atur, Hanoman ngraris mamargi ngaruruh Gunung Himawan. Rauh ring Gunung Himawan, tan keni antuk rupan taru Mahosadilata. Parindikan punika ngawinang Hanoman munggel pucak Gunung Himawan. Sangkaning kawisésannyané, digelis prasida kagingsirang Gunung Himawan punika antuk Hanoman kantos ring tengahing payudan. Wibhisana ngraris ngaruruh taru Mahosadilata saha kadadosang tamba. Tamba sané mawit saking alas Gunung Himawan punika sané prasida nangiang malih para bala wanara Sang Rama.

Sumber : @bulanbahasabali2021